پېروزي پروژه کې د بېجینګ – ننګرهار ساختماني شرکت لخوا د احاطوي دېوال چارې پیل شوې
۱۴۴۴/۰۲/۲۹ د کابل ده سبز سیمې د پېروزي پروژې په ختیځه څنډه کې د (۱۵۰) منځنۍ او کوچنیو فابریکو جوړولو په موخه د بېجینګ – ننګرهار ساختماني شرکت لخوا د چاپېریال یا احاطوي دېوال رغنیزې چارې پیل شوې. د دغه دېوال د چارو پیل د ښار جوړولو او ځمکو وزارت او یاد شرکت ترمنځ د شوي تفاهم لیک پر اساس پیل شوي دي. د یادونې وړ ده چې د هېواد په کچه د ټولګټو پروژو رامنځته کول د ښار جوړولو او ځمکو وزارت له لومړیتوبونو څخه دي او دغه وزارت د باثباته اقتصاد رامنځته کولو او خلکو ته د کار کولو زمینې برابرولو په موخه چټک ګامونه پورته کوي.
