پکتیکا کې د دوو جوماتونو له ودانیزو چارو څارنه وشوه
۱۴۴۷/۰۲/۲۲
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د دې ریاست اړوند د تخنیکي ټيم لخوا په مرکز ښرنه کې د دوو نوي جوړېدونکو جوماتونو له ودانیزو چارو څارنه تر سره شوه.
ښاغلي مولوي سیف الجهاد وویل، د دویمې حوزې جومات په لومړي منزل کې د پایو سیخبندي او قالب بندي د تصویب شوې نقشې مطابق په منظمه توګه بشپړه شوې او کانکریټ اچولو ته اجازه ورکړل شوه.
همدراز د کټواز په مسیر جومات کې د سنګ کاری چارې بشپړې وې، خو په رینګ بیمونو کې د خاورې، ډبرو او خزلو شتون ستونزې رامنځته کړې وې، چې د تخنیکي ټيم لخوا د کانکریټ اچولو چارې لنډمهاله ودرولې، د ستونزو له حل وروسته د کانکریټ اچولو اجازه ور کړل شوه.
د کور او ښار جوړولو وزارت د مرکزي او ولایتي ټيمونو لخوا د پروژو له چارو څارنه کیږي، تر څو چارې د نقشې مطابق په معیار برابرې تر سره شي.
