په کندهار کې د سپین بولدک د زندان د احاطوي دیوال او اړوندو تاسیساتو د چارو څارنه ترسره شوه
۱۴۴۷/۰۴/۱۳
د کندهار ولایت د کور او ښار جوړولو ریاست اړوند تخنیکي ټیم د سپین بولدک ولسوالۍ د زندان د احاطوي دیوال، اطاقونو او تشنابونو د کندنکارۍ له چارو څخه لیدنه وکړه.
ښاغلي مولوي عبدالمتین سعید وویل چې د دې څارنې پر مهال د زندان اداري بلاک او د ښځینه بلاک لپاره د ۹ بابه اطاقونو، ۱۳ بابه تشنابونو او احاطوي دیوال د کندنکارۍ چارې تر ارزونې لاندې راوستل شوې.
دغه څارنه د زندانونو د چارو د سمون ریاست د وړاندیز پر بنسټ ترسره شوې ده. د څارنې موخه یې دا ده چې د سپین بولدک د زندان د تاسیساتو د اعمار کارونه په معیاري او تخنیکي ډول ترسره شي.
