په کابل کې د پلچرخي صنعتي پارک د درېیمې برخې د جوړولو په موخه د پلان د څرنګوالي په تړاو د همغږۍ ناسته وشوه
۱۴۴۷/۰۹/۱۸
د کور او ښار جوړولو وزارت د محترم مالي او اداري مرستیال مولوي محمد رباني ناصح په مشرۍ، د پلچرخي صنعتي پارک د درېیمې برخې د جوړولو په موخه د پلان د څرنګوالي په اړه د همغږۍ ناسته ترسره شوه.
په دې ناسته کې، د کور او ښار جوړولو وزارت سربېره د کرنې، اوبو لګولو او مالدارۍ وزارت، او صنعت او سوداګرۍ وزارت استازو ګډون کړی وو.
یاده ناسته کې، د پلچرخي صنعتي پارک د درېیمې برخې د جوړولو په اړه د پلان اړوند موضوعات وڅېړل شول.
د غونډې په مهال د ګډون کوونکو ادارو استازو خپل معلومات او نظرونه شریک کړل او د یادې پروژې پر بېلا بېلو اړخونو یې بشپړ بحث وکړ.
د غونډې په پای کې د کور او ښار جوړولو وزارت محترم مالي او اداري مرستیال مولوي محمد رباني ناصح، اړوندو ادارو ته لارښوونه وکړه، چې د یادې موضوع اړوند ټول تخنیکي اسناد په دقیق ډول وڅېړي، څو په راتلونکې نږدې غونډه کې د دغې پروژې په تړاو لازم تصمیم ونیول شي.
د پلچرخي صنعتي پارک د کابل ښار ارګ ماڼۍ ته په شاوخوا ۷ کیلو مترۍ او د ښار په زړه نهمه ناحیه کې موقعیت لري، چې شاوخوا یې سلګونه استوګنیز کورونه له پیړیو راهیسې ژوند کوي.
