په کابل کې د بایزید روښان امارتي انسټېټیوټ جوړولو په موخه لومړنۍ خبرې وشوې
۱۴۴۶/۱۲/۲۷
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ او د کابل محترمې ښاروالۍ او د قومونو او قبایلو چارو محترم وزارت د استازو په غړیتوب، د بایزید روښان انسټېټیوټ په پار ناسته وشوه.
په دغه ناسته کې، د انسټېټیوټ د جوړولو پر اړتیا، د پلان تعدیل او د ځمکې د انتقال په اړه خبرې وشوې.
ښاغلي شیخ حمدالله نعماني، ځینو اړوندو ادارو ته دنده سپارلې وه، چې د یاد انسټېټیوټ په تړاو خپل معلومات شریک کړي، چې ځینې معلومات یې رسېدلي او ځینې هغه به یې په نږدې راتلونکي کې شریک شي.
دغه ناسته، د ریاسة الوزرا محترم عالي مقام د حکم له مخې ترسره شوه، ترڅو د قومونو او قبایلو چارو محترم وزارت له لوري د یاد انسټېتیوټ جوړولو په موخه د ټولو حقوقي او تخنیکي برخو معلومات ورسره شریک شي.
تمه ده چې راتلونکې ناسته کې به د یادې موضوع په تړاو ټول اړخونه خپل معلومات شریک او په اړه به یې بشپړ راپور د ریاسة الوزرا محترم عالي مقام سره شریک شي.
د کور او ښار جوړولو وزارت هڅې کوي، چې د ورسپارل شوو موضوعاتو په اړه ټولې تخنیکي او حقوقي ستونزې حل او د ښې راتلونکې په پار رغنده اقدامات وشي.
