په پکتیا کې د سیدکرم ولسوالۍ د سړک د سنټرلاین ټاکلو چارې پیل شوې
۱۴۴۸/۴/۱۶
د کور او ښار جوړولو وزارت د سروې اوجي ای ایس ریاست تخنیکي ټیم د پکتیا ولایت د سیدکرم ولسوالۍ د سړک د سنټرلاین د ټاکلو او خط اچونې چارې، د ستراتیژیک پلان له مخې، پیل کړې.
د دې تخنیکي پروسې موخه د یاد سړک د مسیر دقیق تثبیت، د سنټرلاین ټاکل او د راتلونکو پلان جوړولو او ساختماني چارو لپاره د لازمې تخنیکي زمینې برابرول دي.
د سروې او جي ای ایس ریاست تخنیکي ټیم به د ټاکل شوي پلان مطابق د سړک مسیر په ساحه کې له تخنیکي معیارونو سره سم تثبیت او مشخص کړي، چې له مخې به یې د سړک د راتلونکو چارو د منظم پرمختګ لپاره اړین معلومات برابر شي.
