په هلمند کې د نجونو یو لس صنفي ښوونځی ګټې اخیستنې ته وسپارل شو
ښارجوړولو او ځمکو وزارت د هلمند ولایت په مرکز لښکرګاه ښار کې د انجونو یو لس صنفي ښوونځي رغنیزې چارې بشپړې او ګټې اخیستنې ته یې وسپاره.
دا ښوونځی په ۹۷۶ متر مربع ځمکه کې په یو پوړ د ۱۵ میلیونه افغانیو په ارزښت د ښارجوړولو او ځمکو وزارت له پراختیايي بودیجې جوړی شوی دی.
د هېواد په کچه د ښوونځیو جوړول د ښارجوړولو او ځمکو وزارت مهم کاري لومړیتوب دی او دا وزارت په پام کې لري د خصوصي سکټور په همکارۍ د ولایاتو په کچه د ښوونځیو جوړولو چارې چټکې کړي.
###
