په هرات ولايت کې د ټاپي پروژې له ۱۰ کيلو متره زيات مسير د مالکيت حق تثبيت وشو
ښار جوړولو او ځمکو وزارت په هېواد کې د ټاپي پروژې د تطبيق لپاره د زمينې برابرولو په موخه په هرات ولايت کې د ۱۲ کيلو متره مسير د مالکيت حق تثبيت وکړ.
د دې ملي پروژې په امتداد کې د مالکيت حق د تثبيت چارې د ترکمنستان له صفري پولې څخه پيل او د تورغنډۍ بازار درې کيلومترۍ پورې رسيږي چې ياده ټوله ځمکه دولتي ثابته شوې ده.
ښار جوړولو او ځمکو وزارت تر دې وړاندې د عدليې وزارت په همکارۍ د ټاپي پروژې لپاره ځانګړی قانون په اوو فصلونو او څلورو مادو کې برابر او ترتيب کړی چې په پلي کېدو سره به يې د ټاپي پروژې په تطبيق کې اسانتياوې رامنځته شي.
د دې قانون له مخې د ټاپي پروژې په مسير کې د جايدادونو د استملاک په موخه د مالکيت حق د تثبيت چارې د ښار جوړولو او ځمکو وزارت لهخوا ترسره کيږي.
