په نیمروز ولایت کې د روغتیایي کلینیک د جوړیدو په موخه ساحه مشخص شوه
۱۴۴۶/۳/۲۶
د نیمروز ولایت په دلارام ولسوالۍ کې د روغتیایي کلینیک د جوړیدو په موخه د کور او ښار جوړولو ریاست د انجنیرانو لخوا ساحه مشخص او خط اچونه یې تر سره شوه.
د نیمروز ولایت د کور او ښار جوړولوریاست محترم رئیس مولوي عبدالجبار یاسیني وایي، د دې ریاست د تخنیکي ټیم لخوا د دلارام ولسوالۍ په شاګي سیمه کې د روغتیایي کلینیک لپاره ځمکه مشخص او خط اچونه یې تر سره شوه.
د کور او ښار جوړولو وزارت مرکزي او ولایتي ټيمونه د ادارو د تعمیرونو لپاره ځمکه مشخص کوي، کروکي او سکیچ یې تر سره کوي وروسته یې دوی ته احتیار کې ور کوي.
