په لوګر ولایت کې ۴۵ جریبه ځمکه انتقال شوه
۱۴۴۳/۰۹/۲۲
د ښار جوړولو او ځمکو وزارت د بېلا بېلو ټولګټو پروژو د پلې کولو په موخه (۴۵) جریبه دولتي ځمکې په لوګر ولایت کې انتقال کړې.
یادې شوې ځمکې د لوګر ولایت په مرکز او محمد اغه ولسوالۍ کې موقعیت لري چې له ډلې یې (۳) جریبه ځمکه په لوګر ولایت کې د یو تخنیکي انستېتیوت د جوړولو لپاره ، (۱۲) جریبه دولتي ځمکه
د فوتبال لوبغالي جوړولو لپاره او دغه راز (۳۰) جریبه نوره دولتي ځمکه د کرکټ لوبغالي جوړولو لپاره اړوندو ادارو ته انتقال شوه.
د یادونې وړ ده چې د ښار جوړولو او ځمکو وزارت د ټولګټو پروژو د پلې کولو په موخه په پام کې لري چې ډیری دولتي ځمکې نورو دولتي او غیر دولتي بنسټونو ته انتقال کړي.
