په فاریاب ولایت کې د کډوالو د ښارګوټي خط اچونه تر سره شوه
۱۵/۹/۱۴۴۶
د فاریاب ولایت د کور او ښارجوړولو ریاست محترم رئیس الحاج مولوي خالمیرزا ذوالفقار وایي، د دې ریاست اړوند د تخنیکي ټيم لخوا په دولت اباد ولسوالۍ کې د کډوالو د ښار ګوټي خط اچونه تر سره شوه.
ښاغلي مولوي ذوالفقار وویل، په ساحه کې د شوې سروې او پلان مطابق یې د ښارګوټي ټول کوچني او لوی سړکونه معلوم کړل او دغه راز یې خدماتي ساحې او د بلاکونو ویشنه د بسوو په اساس تر سره کړه.
د نوموړي په خبره، په ټوله کې په دولت اباد ولسوالۍ کې د ښارګوټي چارې په چټکۍ روانې دي چې، پاتې چارې به یې هم ژر بشپړې شي
