په غزني کې د ارزاقو د عمومي مدیریت د سوداګریز مارکیټ ودانیزې چارې وڅارل شوې
۱۴۴۷/۰۳/۲۷
د غزني ولایت د کور او ښار جوړولو ریاست محترم رئیس مولوي نورولي بلال متقي وایي د دې ریاست اړوند تخنیکي ټیم د ارزاقو د عمومي مدیریت دسوداګریز مارکیټ له ودانیزو چارو څارنه ترسره کړه.
ښاغلي مولوي متقي وویل، یاده پروژه د خصوصي سکتور په مالي لګښت د ۷۴ میلیونه افغانیو په ارزښت جوړیږي او په پنځه برخو وېشل شوې ده، د راپور پر بنسټ د یوې برخې د تهداب د سیم تاوۍ چارې بشپړې شوې او کالبندۍ ته چمتو دی، د پاتې نورو برخو د سیم تاوي کارونه هم روان دي.
د نوموړي په خبره، تخنیکي ټیم د قراردادي شرکت مسؤلینو ته لازمې لارښوونې وکړې څو ټول کارونه د نقشې او تخنیکي معیارونو مطابق ترسره شي.
د کور او ښار جوړولو وزارت د خصوصي سکتور په همکارۍ د هېواد په بېلابېلو ولایتونو کې د سوداګریزو او ښاري پروژو د پلي کولو چارې پرمخ وړي، چې د غزني ولایت د ارزاقو د عمومي مدیریت سوداګریزمارکیټ پروژه به د بشپړېدو وروسته د سوداګرۍ، اقتصادي پراختیا او د خلکو د اړتیاوو پوره کولو لپاره مهم رول ولوبوي.
