په سرپل ولايت کې له ۲۰ جريبو څخه زیاته ځمکه استرداد شوه
ښار جوړولو او ځمکو وزارت د دولتي ځمکو د استرداد په دوام دا ځل په سرپل ولايت کې ۲۱ جريبه ځمکه د غاصبينو له منګولو خلاصه کړه.
ياده ځمکه د سرپل ولايت د ګوسفندي ولسوالۍ په بلديان قريه کې له څو کلونو راهيسې د ځايي زورواکانو تر شخصي استفادې لاندې وه، خو د ښار جوړولو او ځمکو وزارت په زيار ترې معقولې او موثرې استفادې لپاره زمينه برابره شوه.
ښار جوړولو او ځمکو وزارت تر اوسه په ټول هېواد کې ۵۰۰ زره جريبه ځمکه له غاصبينو خلاصه کړې چې له دې ډلې څخه ۶۴۶۰ جريبه يې په سرپل کې موقعيت لري.
