په خپل وخت د مسؤلیتونو په ترسره کولو د مالي او اداري مرستیال ټینګار
۱۴۴۶/۰۱/۱۲
د کور او ښار جوړولو وزارت محترم مالي او اداري مرستیال الحاج محمد ارسلاح خروټي په خپل کاري دفتر کې د دغه وزارت له یو شمېر رئیسانو سره وکتل او پر اصلاحاتو یې ټینګار وکړ.
ښاغلي الحاج محمد ارسلاح خروټي وویل، په وزارت کې هر مسؤل کس باید اصولو ته ژمن پاتې شي او په چارو کې سلسله مراتب مراعات کړي.
محترم مالي او اداري مرستیال وویل، هېڅوک دې غفلت نه کوي او ځان دې مسؤل وګڼي.
نوموړي زیاته کړه، په وزارت کې هر فرد مسؤل دی چې خپل مسؤلیت په سمه توګه اداء کړي او په چارو کې دې له خنډ او ځنډ مخنیوی وکړي.
په ناسته کې یادونه وشوه چې، شته ستونزې دې په ګوته شي او د حل لپاره دې یې اړوند مسؤلین لاس په کار شي.
د کور او ښار جوړولو وزارت ژمن دی چې ورسپارل شوې دندې او مسؤلیتونه په سمه توګه اداء او د هېوادوالو په ژوند کې مثبت اغیز او بدلون وویني.
