په خوست کې د روغتیایي کلینیک ودانیزې چارې و څارل شوې
۱۴۴۷/۰۱/۱۳
د خوست ولایت د کور او ښار جوړولو ریاست محترم رئیس مولوي امان الله اسد وایي، د دې ریاست دتخنیکي ټيم لخوا د عامې روغتیا اړوند د یو روغتیایي کلینیک چارې و څارل شوې.
ښاغلي مولوي اسد وویل، یاده پروژه، چې په یوه پوړ کې د اساسي ساختماني معیارونو سره سمه جوړیږي، چې تر دې دمه یې ۹۵ سلنه چارې بشپړې شوې دي، تمه ده چې په نږدې راتلونکي کې به کارونه بشپړ شي او رسمي ګټې اخیستنې ته به وسپارل شي.
د نوموړي په خبره، دا پروژه به له بشپړېدو وروسته د خوست ولایت د خلکو د روغتیايي خدمتونو په ښه والي کې مهم رول ولوبوي.
