په خوست او لوګر ولایتونو کې سلګونه جریبه ځمکه سروې شوه
۱۴۴۶/۰۷/۲۸
د کور او ښار جوړولو وزارت د سروې او جي ای، ایس ریاست محترم رئیس حافظ انجنیر محمد یو سف لطیف وایي، د ریاست اړوند تخنیکي او مسلکي ټیم یې په خوست او لوګر ولایتونو کې (1253.238) جریبه ځمکه توپوګرافي سروې کړه.
ښاغلی انجنیر لطیف وایي، یاد ټیم یې دغه ځمکه د خوست صبریو او یعقوبۍ ولسوالۍ کې د خلبیسات ښارګوټي ځمکه او په لوګر مرکز په پادخاب شانه بازار او د همدغه ولایت په برکی برک ولسوالۍ کې د د غازي پخته پُل ساحه کې سروې کړه.
نوموړی وایي، له دغې سروې یې موخه دا وه چې د یادو ساحو لپاره په خوست کې اصلاحي پلان او په لوګر کې تفصیلي پلانونه ترتیب شي.
د کور او ښار جوړولو وزارت له ځمکو د سمې استفادې په موخه سروې کوي او بیا یې د ټولګټو پروژو د تطبیق لپاره چمتو کوي
