په اتو ښارونو او څلورو ولسواليو کې له ۷۵۰ زره څخه زیات کورونه سروې او ثبت شول
ښار جوړولو او ځمکو وزارت د غير رسمي ښاري سیمو د ثبت برنامې د تطبيق په لړ کې په اتو ښارونو او څلورو ولسواليو کې ۷۵۴۲۳۳ کورونه سروې او ثبت کړل.
په دې ډله کې د کابل ښار په ۲۲مه ناحيه کې ۴۷۴۹۷۲ کورونه او په ميربچه کوټ ولسوالۍ کې ۳۷۷۲ کورونه، په مزار شريف ښار کې ۸۱۴۴۲ کورونه او په بلخ ولسوالۍ کې ۲۶۱۷ کورونه، په هرات ښار کې ۷۲۷۴۳ کورونه او په انجيل ولسوالۍ کې ۶۲۷۱ کورونه، په کندهار ښار کې ۵۱۸۱۸ او په سپين بولدک ولسوالۍ کې ۴۶۷۰ کورونه، په جلالاباد ښار کې ۲۴۳۸۴ کورونه، په فراه ښار کې ۱۲۰۱۴ کورونه، په باميان ښار کې ۱۲۳۹۲ کورونه او په نيلي ښار کې ۷۱۳۸ کورونه سروې او ثبت شوي دي.
ښار جوړولو او ځمکو وزارت په پام کې لري چې د ۲۰۲۰ ميلادي کال تر پايه د اتو ښارونو او څلورو ولسواليو په غير رسمي سيمو کې ۱۲۰ زره کورونو ته د ملکيت سندونه وويشي.
