پروان کې له ۱۶۵ زره جريبو زياته ځمکه او املاک ثبت شول
ښار جوړولو او ځمکو وزارت د دولتي ځمکو د بانک برنامې له پيل راهيسې په پروان ولايت کې په ۲۶۰ قطعو کې ۱۶۵۷۰۹ جريبه دولتي ځمکه او د دولت تر استفادې لاندې عامه ملکيتونه سروې او ثبت کړل.
له دې ډلې په ۹۹ قطعو کې ۱۴۰۷۵۳ جريبه سپينه دولتي ځمکه او په ۱۶۱ قطعو کې ۲۴۹۵۶ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۶۰۹۲ قطعو کې ۵ ميلیونه ۳۹۲ زره او ۷۹۴ جريبه ځمکه او دولتي املاک سروې، ثبت او نښه کړي دي.
