هلمند ولایت کې د یوې ودانیزې پروژې له چارو څارنه وشوه
۱۴۴۶/۱۰/۱۵
هلمند ولایت کې د کور او ښار جوړولو ریاست محترم رئیس مولوي شمس الله ناظم وایي، تخنیکي ټیم یې په دغه ولایت کې د امر بالمعروف او نهی عن المنکر ریاست له ترمیماتي پروژې څارنه وکړه.
ښاغلی مولوي ناظم وایي، تخنیکي ټیم یې د څار بهیر په دقیقه توګه ترسره کوي چې، په خبره یې اوسمهال د امر بالمعروف، نهی عن المنکر او سمع شکایات ریاست د ترمیماتو چارې روانې وې.
نوموړی وایي، د کور او ښار جوړلو ریاست د تخنیکي ټیم له لوري د قراردادي د شرکت انجنیر ته لازم هدایات وشول، تر څو چارې د نقشې او شرطپاڼې مطابق سرته ورسوي.
د کور او ښار جوړولو وزارت له ټولو ودانیزو او رغنیزو پروژو د چارو څارنه کوي، تر څو معیار په پام کې ونیول شي او چارې خوندي سرته ورسېږي.
