نیمروز ولایت کې د یو کلینیک له چارو څارنه وشوه
۱۴۴۶/۸/۱۰
نیمروز ولایت کې د کور او ښار جوړولو ریاست محترم رئیس مولوي عبدالجبار یاسیني وایي، د ریاست اړوند تخنیکي او مسلکي ټیم یې د دغه ولایت د دلارام ولسوالۍ په خرواري کلي کې د (ایف، ایچ، ایچ) کلینیک له ودانیزو چارو څارنه وکړه.
ښاغلی مولوي یاسیني وایي، دغه راز یې یاد ټیم د همدغې ولسوالۍ په شاه ګۍ کلي کې د کلینیک له ودانیزو چارو څارنه وکړه.
نوموړی وایي، دمګړۍ هلته د قالب تړلو او سیخ تړلو چارې روانې دي چې، مسؤلینو ته یې د چارو د لا ښه پرمختګ په موخه لازمې لارښوونې وشوې.
د معلوماتو له مخې، هغه نیمګړتیاوې چې، د یاد کلینیکونو په چارو کې ترسره شوې وې، تخریب او بېرته د اصلاح لپاره یې اړوند شرکت لاس په کار شو.
د کور او ښار جوړولو وزارت په ټولو پروژو کې دقیق څار کوي او د نیمګړتیاوو د شتون په صورت کې لازمې سپارښتنې کوي.
