ننګرهار ولایت کې داخلي بېځایه شوو کورنیو ته ښارګوټی جوړېږي
![عکس](/sites/default/files/2024-06/whatsapp_image_2024-06-06_at_9.14.35_am.jpeg)
۱۴۴۵/۱۱/۲۸
د ننګرهار ولایت د کور او ښار جوړولو ریاست محترم رئیس قاري محمد نبي سعید وایي، د کور او ښار جوړولو وزارت له مرکز ورغلي هیئت سره یې په ګډه په کور دننه د بېځایه شوو کډوالو لپاره د ښارګوټي سروې وکړه.
ښاغلي قاري سعید وویل، د راغلي هیئت سره یې په ګډه د ننګرهار ولایت د سره رود ولسوالۍ اړوند له یوه ښارګوټي لیدنه وکړه، چې یاده ځمګه د تېرې ادارې په مهال د ځینو اشخاصو له لوري غصب شوې وه، خو اوسمهال د غصب شوو ځمکو د بېرته راګرځولو کمېسیون له لوري د یاد ښارګوټي ځمکه امارتي وبلل شوه، چې تمه ده په کې به داخلي بې ځایه شوو بې وزله کورنیو لپاره منظم او معیاري ښارګوټی جوړ شي.
د کور او ښار جوړولو وزارت په پلازمېنه کابل او ولایتونو کې هڅې پیل کړي، چې د بې سرپناه هېوادوالو لپاره مناسبه سرپناه برابره کړي او دغه برخه کې خلکو ته لاسرسی اسان شي.