میدان وردګ ولایت کې د دوه مهمو پروژو له وضعیت څارنه وشوه
۱۴۴۶/۱۰/۲۱
د کور او ښار جوړولو وزارت د صنعتي او اقتصادي زونونو د پراختیا ریاست محترم رئیس الحاج محمد مسعود وایي، د ریاست اړوند تخنیکي ټیم په ملتیا یې میدان ښار ته سفر وکړ او هلته یې د دوه مهمو پروژو له چارو او وضعیت څارنه وکړه.
ښاغلی محمد مسعود وایي، یوه پروژه د مسافر وړونکو موټرو د ترمینل او بله هغه د ۲۳ استوګنیز بلاکونو ده.
نوموړی وایي، د میدان ښار ولایت د مسافر وړونکو موټرو ترمینل د لومړۍ برخې لپاره ۲۳ میلیونه افغانۍ ځانګړې شوې دي، چې چارې یې شاوخوا ۲۵ سلنه پر مخ تللي او لا هم روانې دي.
ښاغلي مسعود زیاته کړه، د دغه ترمینل په جوړېدو سره به د ښار ګڼه ګونه کمه شي او هم به هېوادوالو ته اسانتیاوې برابرې شي.
دوی وایي، هلته د شته ستونزو او نیمګړتیاوو لپاره یې مسؤلینو ته لازمې لارښوونې وکړې او پر اصلاحاتو او د چارو پر چټکتیا یې ټینګار وکړ.
د صنعتي او اقتصادي زونونو د پراختیا ریاست وایي، هڅې یې پیل کړي، چې مثبت بدلون رامنځته کړي، پروژې په سمه توګه پلي شي او ګټور خدمات وړاندې شي.
