لښکرګاه کې د یو سوداګریز مارکېټ د جوړېدو له چارو څارنه وشوه
۱۴۴۶/۰۶/۰۳
هلمند ولایت کې د کور او ښار جوړولو محترم رئیس مولوي شمس الله ناظم وایي، د ریاست اړوند تخنیکي او مسلکي ټیم یې د دغه ولایت په مرکز لښکرګاه کې د لقمان حکیم په نوم د یو سوداګریزاو استوګنیز مارکېټ له چارو څارنه وکړه.
ښاغلی مولوي ناظم وایي، یاد مارکېت د لښکر ګاه په لومړۍ ناحیه لقمان جاده کې موقعیت لري چې ودانیزې چارې یې روانې دي.
نوموړی وایي، د تخنیکي ټیم په ملتیا یې له یادې پروژې څارنه وکړه، چې په خبره یې اوسمهال د بنسټ لپاره لېول کاري، د بنسټ لېول سربېره د (pcc ) د ایزوګام چارې دوام لري.
هغه وایي، د قراردادي شرکت ساحوي مسؤل انجنير ته لازمې لارښوونې وشوې، تر څو ټولې چارې د نقشې او بي_او_کيو یا احجامو بېل مطابق سرته ورسوي او د کار کوونکو خوندیتوب په پام کې ونیسي.
