لغمان ولایت کې څه باندې زر جریبه ځمکه سروې شوه
۱۴۴۶/۱۰/۱۴
د کور او ښار جوړولو وزارت د سروې او جي، ای، ایس ریاست محترم رئیس حافظ انجنیر محمد یوسف لطیف وایي، د سروې تخنیکي ټیم یې لغمان ولایت کې یو زر او پنځوس (1050) جریبه ځمکه سروې کړه.
ښاغلی حافظ لطیف وایي، لغمان ولایت کې یې د مهاجرینو لپاره د کافر ګله استوګنیز ښارګوټي توپوګرافي سروې ترسره کړه.
نوموړی وایي، له دغې سروې یې موخه دا وه چې، په یاده ساحه کې د مهاجرینو او اجباري بېرته راستنېدونکو کډوالو لپاره ښارګوټی جوړ شي.
د کور او ښار جوړولو وزارت له ګاونډیو هېوادونو د اجباري بېرته راستنېدونکو اړمنو کورنیو لپاره په کور دننه منظم ښارګوټي نمره کوي او د ورسپارل شوي لیست له مخې یې نمرې وېشي.
