فاریاب کې د یوې ودانیزې پروژې له چارو څارنه وشوه
۱۴۴۶/۱۲/۱۵
فاریاب ولایت کې د کور او ښار جوړولو ریاست محترم رئیس مولوي خالمیرزا ذوالفقار وایي، په دغه ولایت کې یې د میمنې ښاروالۍ د پنځه پوړیزې ودانۍ له ودانیزو چارو څارنه وکړه.
ښاغلي مولوي ذوالفقار، د لیدنې په مهال د پروژې له روانو چارو خوښي وښوده او ټینګار یې وکړ چې ټولې چارې باید د نقشې او انجنیرۍ معیارونو سره سم ترسره شي.
نوموړی وایي، تخنیکي ټیم یې قراردادي شرکت ته لازمې لارښوونې وکړې، تر څو د یادې مهمې پروژې پاتې کارونه هم د تخنیکي اصولو او نقشې سره سم بشپړ کړي.
یاده پروژه د میمنې ښار له مهمو زیربنایي پروژو څخه شمېرل کېږي، چې له بشپړېدو سره به یې د ښاروالۍ کار کوونکو ته ښه چاپېریال برابر شي.
د کور او ښار جوړولو وزارت، ژمن دی چې له اړوندو ادارو سره په همغږۍ، د ساختماني پروژو پر شفاف، معیاري او پر وخت تطبیق، جدي او دوامداره څارنه وکړي.
