غزني ښار کې د شته ستونزو پر حل خبرې وشوې
۱۴۴۶/۱۰/۱۷
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل کاري دفتر کې د غزني ولایت له محترم ښاروال مولوي محمد نبي حمزه سره وکتل.
په دغه کتنه کې، د غزني محترم ښاروال په یاد ښار کې د شته ستونزو او ننګونو په اړه خبرې وکړې او د حل برخه کې یې د همکارۍ غوښتنه وکړه.
ورپسې، د کور او ښار جوړولو وزارت محترم سرپرست وزیر الحاج شیخ حمد الله نعماني، د اصلاحاتو په راوستلو، د پلانونو د تطبیق پر اړتیا او څرنګوالي، د پلانونو د تطبیق په مهال د پېښېدونکو ستونزو پر حل او تابیا او په ټوله کې په همکارۍ او همغږۍ خبرې وکړې.
ښاغلي شیخ نعماني وویل، غزني ولایت ته یې هیئت استولی و، چې بېرته راغلی او تمه یې وښوده چې موندنې به یې د شته ستونزو د حل برخه کې اغېزمنې ثابتې شي.
د ناستې او کتنې پر دوام، په ځینو نورو تخنیکي مواردو، د ځمکو په نوعیت او د قبالو پر څرنګوالي هم خبرې وشوې.
دغه راز، په یاد ولایت کې د اجباري راستنېدونکو کډوالو لپاره د ښارګوټو جوړولو په موخه د کورنیو په لیست، د ښارګوټو وضعیت او د ځمکې تشخیص او نورو چارو بحث وشو.
د کور او ښار جوړولو وزارت ژمن دی، چې د منظمو پلانونو له مخې ښارګوټي جوړ کړي، او منظمه ښاري وده او پراختیا رامنځته کړي.
