سمنګان ولایت کې د ذغال ډبرو د مارکېټ جوړولو په اړه راپور چمتو شو
۱۳/۴/۱۴۴۶
د کور او ښار جوړولو وزارت د مسکن، ودانیزو چارو او د برنامو پراختیا محترم مرستیال الحاج محمد اسماعیل فائز په مشرۍ ، په سمنګان ولایت کې د ذغال ډبرو د جوړېدونکي مارکېټ په اړه ناسته وشوه او د راپور پر چمتوالي خبرې وشوې.
په ناسته کې، سمنګان ولایت کې د ذغالو کان څخه تر ذغالو مارکېټ پورې د نښلېدونکو لارو او پلچکونو، د مارکېټ جوړولو په موخه د مهندسۍ پلان پر چمتو کېدا، د ساحې اړوند تخنیکي او اساسي نقشو پر بشپړوالي او نورو اړینو موضوعاتو خبرې وشوې.
په ټوله کې، د کور او ښار جوړولو وزارت محترم مرستیال الحاج محمد اسماعیل فائز د کمېتې د غړو په توافق او هوکړه یاد راپور تائید کړ.
ټاکل شوې، سمنګان ولایت کې د ذغالو جوړېدونکي مارکېټ په اړه د ګمارل شوې کمېټې بشپړ او تائید شوی راپور به د وروستیو اقداماتو په موخه د افغانستان اسلامي امارت د ریاسة الوزرا محترم عالي مقام ته وړاندې شي.
تمه ده، چې د ذغالو د پیر او پلور چارې، تړونونه او تګ راتګ به له واحد ادرس او معلومې لارې ترسره شي چې ورسره به له بې نظمیو مخنیوی وشي او په چارو کې به اسانتیاوې رامنځته شي.
