زابل کې د مهاجرینو ښارګوټي د جوړولو لپاره د توپوګرافي سروې بشپړه شوه
۱۴۴۶/۱۱/۲۱
د کور او ښار جوړولو وزارت د سروې او جي، ای، ایس ریاست محترم رئیس حافظ انجنیر محمد یوسف لطیف وایي، تخنیکي ټیم یې په زابل کې د هغو مهاجرینو لپاره چې بېرته هېواد ته راستېږي، د بیا مېشتېدو د زمینې برابرولو په موخه، زابل ولایت کې د 4321 جریبه ځمکې توپوګرافي سروې بشپړه کړه.
ښاغلی انجنیر لطیف وایي، یاده سروې د سیمهییزو او تخنیکي ادارو سره په همغږۍ ترسره شوې، چې موخهیې د یو منظم او معیاري ښارګوټي جوړول دي، څو مهاجرینو ته د باعزته ژوند کولو لپاره مناسب چاپېریال برابر شي.
د سروې او GIS ریاست ډاډ ورکوي چې دا سروې د تخنیکي او چاپېریالي معیارونو په پام کې نیولو سره ترسره شوې او ترلاسه شوي معلومات به د ښارګوټي د ډیزاین او عملي تطبیق لپاره په دقیق ډول وکارول شي.
د کور او ښار جوړولو وزارت تل هڅه کوي چې د معیاري ښارګوټو ډیزاین کولو له لارې هېوادوالو ته د هوسا ژوند زمینې برابرې کړي.
