د کور او ښار جوړولو وزیر د عطاء خیریه بنسټ له مسؤلینو سره وکتل
۱۴۴۶/۰۳/۲۱
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل دفتر کې د عطاء خیریه بنسټ له مشر او نورو همکارانو سره وکتل او پر یو لړ موضوعاتو یې خبرې وکړې.
د عطاء خیریه بنسټ هوډ لري چې په نوي کابل ښار کې یو ستر معیاري روغتون جوړ او په خیریه توګه یې خدمات ترسره کړي.
د یاد روغتون په اړه هم یادونه وشوه چې راغلي ترکي انجنیران به د روغتون لپاره ټولې د مهندسۍ، انجینرۍ، برېښنا، اکسیجن او نورې نقشې او چارې وګوري او د کور او ښار جوړولو وزارت له انجنیرانو او د عطاء خیریه بنسټ له استازو سره به یې په تړاو خبرې وکړي چې په ګډه به بشپړ راپور د کور او ښار جوړولو وزارت محترم مقام ته وړاندې کړي.
د کور او ښار جوړولو وزارت محترم سرپرست وزیر وویل، د روغتونونو لپاره د طبي وسایلو د پلوراو ودانیزو چارو په اړه به د ا.ا.ا د ریاسة الوزراء محترم عالي مقام د مالي او اداري محترم مرستیال سره خبرې وکړي او د جمهوریت او عطاء خیریه بنسټ روغتونونو په تړاو به خبره وروستۍ کړي.
