د کور او ښار جوړولو وزارت محترم سرپرست وزیر هرات ته سفر وکړ
۱۴۴۷/۰۱/۰۳
د کور او ښار جوړولو وزارت محترم سرپرست وزیر الحاج شیخ حمدالله نعماني، د ا.ا.ا د ریاسة الوزراء محترم اداري مرستیال مولوي عبد السلام حنفي، او د کابينې د يو شمېر نورو غړو په ملتيا هرات ولایت ته سفر وکړ.
یاد پلاوی به له ګاونډي هېواد څخه د جبري راستنېدونکو افغانانو وضعیت له نږدې وڅېړي او د هغوی د بېړنیو اړتیاوو د پوره کولو لپاره به لازم اقدامات ترسره کړي.
د دې سفر موخه د افغانستان د لوېدیځو پولو له لارې د راستنېدونکو کډوالو د وضعیت ارزونه، د خدماتو او اسانتیاوو تنظیم، د بیړنیو مرستو برابرول، او له اړوندو ادارو سره د همغږۍ پیاوړتیا بلل شوې ده.
ښایي، چې پلاوی به د مهاجرینو د استقبالي کمپونو، د لېږد، لنډمهاله استوګنې، روغتیايي خدماتو، او توزیعي مرکزونو له وضعیت څخه هم کتنه وکړي.
د کور او ښار جوړولو وزارت به د ټولو هغه اړمنو مهاجرو د دایمي استوګنې لپاره تابیا ونیسي، چې په اجباري توګه له ګاونډیو هېوادونو راستنېږي.
