د کور او ښار جوړولو وزارت سرپرست په کابل کې د چین له سفیر سره وکتل
۱۴۴۵/۰۵/۱۷
د کور او ښار جوړولو وزارت محترم سرپرست وزیر شیخ حمدالله نعماني، په کابل کې د چین له سفیر جاوشینګ او مل پلاوي سره وکتل.
په دغه لیدنه کې د کور او ښار جوړولو وزارت محترم سرپرست وزیر شیخ حمدالله نعماني د چین سفیر ته د ښه راغلاست ترڅنګ د افغانستان او چین ترمنځ د ښه ګاونډیتوب اړیکو د مخینې په تړاو او د دغه اړیکو په لا پیاوړتیا او ټینګښت خبرې وکړې.
ښاغلي حمد الله نعماني کابل کې د چین هېواد د هستوګنیزې پروژې (نیله باغ) د عملي چارو بیا پیل برخه کې هم مننه وکړه او زیاته یې کړه چې باید له ژمنې سره سم د یادې پروژې چارې ګړندۍ شي، تر څو یې ولس محسوسه پایله وګوري.
ښاغلي نعماني، د کور او ښار جوړولو وزارت مسلکي کارکوونکو د ظرفیت لوړونې برخه کې د چین له سفیر د همکارۍ غوښتنه وکړه، چې که دغه چاره کابل ترسره شي، ځکه به ښه وي چې ډیر کار کوونکي به ترې ګټه پورته کړي.
د خبرو په دوام، نوموړي له راغلي چینایي پلاوي څخه غوښتنه وکړه چې د نوي کابل ښار په پروژه کې پانګونه وکړي او چینایي پانګوال هم په یاده برخه کې پانګونې ته وهڅوي.
د کور او ښار جوړولو وزارت محترم سرپرست په افغانستان کې د چینایي کارکوونکو د امنیت خوندیتوب برخه کې چنایي لوري ته ډاډ ورکړ او زیاته یې کړه، چې ا.ا ته د دوی د امنیت خوندیتوب لومړیتوب لري.
ناسته کې ښاغلي نعماني وویل، افغانستان کې اوسمهال تر بل هر څه لومړی د کورونو کمښت ستره ستونزه ده چې که چینایي پانګوال او حکومت په دغه برخه کې له کور اوښار جوړولو وزارت سره همکاري وکړي.
ورپسې په کابل کې د چین سفیر ښاغلي جاوشینګ خبرې وکړې او نوموړي هم د کور او ښار جوړولو وزارت د سرپرست له همکارۍ د مننې ترڅنګ د چین او افغانستان د اړیکو او ښه ګاونډیتوب په تړاو خبرې وکړې.
جاوشینګ وویل، اوسمهال ژمی دی، خو د نوي ۲۰۲۴ کال د مارچ په میاشت کې به د نیله باغ پروژې چارې ګړندۍ کړي او تمه لري چې په څو میاشتو کې به یې چارې بشپړې او ګټې اخیستنې ته وسپاري.
د پروژې د کیفیت برخه کې د چین سفیر د وزارت سرپرست ته بشپړ ډاډ ورکړ، چې چارې به په ښه کیفیت پر مخ یوسي.
د چین سفیر وویل، د وزارت کار کوونکو د ظرفیت لوړونې او په افغانستان کې د مسکن برخه کې د ستونزې حل موضوعاتو کې به معلومات له خپل حکومت سره شریک او په تړاو به یې وزارت ته بېرته معلومات ورکړي.
د ناستې په پای کې د چین سفیر جاو شینګ یادونه وکړه چې د کور او ښار جوړولو وزارت له رهبرۍ سره به په ګډه ټولې رغنیزې چارې پر مخ بیایي.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/profile.php?id=100087195086592
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
