د کور او ښار جوړولو وزارت سرپرست د لوی نظارت له مسؤلینو سره وکتل
۱۴۴۶/۰۸/۰۵
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل کاري دفتر کې د د احکامو او فرامینو پر تطبیق د څار او تعقیب لوی ریاست له محترمو استازو سره وکتل او په ځینې موضوعاتو یې خبرې وکړې.
راغلو استازو، د خپلو څېړنو د چارو د لا اسانتیا او په چارو کې د چټکتیا په موخه ځینې وړاندیزونه وکړل.
محترم سرپرست وزیر، د دوی وړاندیزونه ومنل او په ځینو برخو کې یې په چارو د کې لا شفافیت او دقت په موخه ورته لازمې لارښوونې وکړې.
نوموړي له یادو استازو وغوښتل چې، کومه موضوع دوی ته رسېږي په هغې کې دې دقیقه څېړنه کوي، د ابهام او شک پر اساس دې تصمیم نه نیسي، د طرفینو خبرې او دلایل دې اورې او له کره والي وروسته دې یې په اړه تصمیم نیسي.
د کور او ښار جوړولو وزارت په ټولو چارو کې شفافیت ته ژمن دی او د خپل خدای په وړاندې ځان مسؤل ګڼي.
