د کور او ښار جوړولو وزارت د امر بالمعروف او نهی عن المنکر قانون د ښه تطبیق په پار ناسته وکړه
۱۴۴۶/۷/۵
د کور او ښار جوړولو وزارت د محترم مالي او اداري مرستیال ښاغلي الحاج محمد ارسلاح خروټي په مشرۍ د دې وزارت اړوندو محترمو رئیسانو او مسؤلینو ناسته وکړه او په یو شمیر مهمو موضوعاتو یې خبرې وکړې.
په ناسته کې د ا.ا.ا د عالیقدر امیرالمؤمنین حفظه الله د فرمان د لا ښه تطبیق په تړاو خبرې وشوې او ټولو مسؤلینو ته واورل شو.
غوښتنه دا وه چې د وزارت ټول کار کوونکي به خپل صورت او سیرت د نبوي ارشاداتو مطابق جوړوي او لمونځ به هم په جماعت اداء کوي.
دغه رزا، محترم مالي او اداري مرستیال له ټولو رئیسانو او مسؤلینو وغوښتل چې د دې وزارت اړوند د هېوادوالو چارې دې په چټکۍ ترسره کوي، ځکه په خبره یې ځینې خلک د لرې پرتو سیمو او ولایتونو څخه راځي، چې دلته له زیاتو ستونزو سره مخامخ کېږي او حقوق یې ضایع کېږي.
په دغه ناسته کې، په مرکز او ولایتونو کې د پروژو په تړاو هم خبرې وشوې او موخه دا وه، چې ژر تر ژره دې ځینې پروژې چې په کمو امکاناتو سرته رسېږي، چارې پیل، بشپړې او ګټې اخیستنې ته دې یې وسپارل شي.
د کور او ښار جوړولو وزارت هڅې پیل کړي چې د امر بالمعروف او نهې عن المنکر وزارت قانون په ښه توګه تطبیق شي.
