د کور او ښار جوړولو وزارت اړوند د اپارتمانونو د په اجارې د ورکړې لپاره د تګلارې پر جوړولو خبرې وشوې
۱۴۴۵/۱۲/۱۷
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په مشرۍ د تقنیني اسناد د بیا کتنې او د پړاونو بشپړولو کمېټې ناسته وکړه، او د دغه وزارت اړوند د اپارتمانونو د په اجارې د ورکړې لپاره یې د ا.ا.ا د محترمې کابینې د پرېکړې پر عملي کولو بحث وشو.
په ناسته کې، په تېر کې د اپارتمانونو د خرڅلاو پر څرنګوالي خبرې وشوې او زیاته شوه، چې د ا.ا.ا د محترمې کابینې د پرېکړې له مخې د کور او ښار جوړولو وزارت اړوند ځینې اپارتمانونه دې په اجاره ورکړل شي، د ناتسې د ګډونوالو په وینا لازمه ده یو طرزالعمل ورته جوړ شي.
ګډونوالو، د اپارتمانونو د اجارې، شرایطو، بیې، د هر اپارتمان په اندازې او نورو اړوندو موضوعاتو نظرونه شریک کړل.
د ښاري چارو محترم مرستیال شیخ مدارعلي کریمي بامیاني وویل، د دغه وزارت اړوند د اپارتمانونو د په اجارې د ورکړې لپاره د تګلارې پر شرعي، حقوقي، تخنیکي، اقتصادي او نورو مسایلو دې د نورو قوانینو سره سم غور او څېړنه وشي او په لنډ وخت کې دې د رامنځته کېدونکي طرزالعمل پړاونه بشپړ شي، چې په خبره یې د منظورۍ لپاره اړونده مرجع ته ولېږل شي.