د کار کوونکو لپاره د ډاډمنې فضا رامنځته کولو په موخه کوټلي ګامونه پورته شول
۱۴۴۶/۰۷/۲۹
د کور او ښار جوړولو وزارت محترم مالي او اداري مرستیال الحاج محمد ارسلاح خروټي، د وزارت ودانیو او چاپېریال سربېره، د مسکن، ودانیزو چارو او برنامو پراختیا محترم معینیت او دغه راز د ښاري چارو محترم معینیت اړوند ودانیو او چاپېریال څخه لیدنه وکړه.
ښاغلي مرستیال محمد ارسلاح خروټي د یادو برخو هر اړخیز جاج واخیست او د چارو د لا ښه ترسره کېدو، ډاډمنې فضا رامنځته کېدو، او په وخت د چارو ترسره کېدو په موخه یې اړوندو مسؤلینو ته اړین هدایات ورکړل.
دا چې په لارو کې ترافیکې ګڼه ګوڼه زیاته ده، نو د رسمي چارو ترسره کېدو په موخه د تګ راتګ وخت معلوم او لارې په نښه شوې.
ښاغلي مالي او اداري مرستیال د کار کوونکو لپاره د اسانتیاوو په رامنځته کولو ټینګار وکړ تر څو د حاضرۍ لاسلیک کولو په مهال ډېر تم پاتې نه شي او نه چارې وځنډېږي.
د شته کمرو سربېره د نورو بېلا بېلو امنیتي کمرو نصبول، د کارتونو درلودل او ځینې نور مهم هدایات هغه څه وو چې، په تړاو یې له مسؤلینو سره خبرې وشوې.
اړوندومسؤلینو ژمنه وکړه چې، ورسپارل شوې دندې به په سمه توګه سرته رسوي او یوه شېبه به هم غفلت نه کوي.
د کور او ښار جوړولو وزارت هڅې پیل کړي چې، هېوادوالو ته په وخت خدمات ترسره شي او پر وړاندې یې څوک خنډ رامنځته نه کړي.
