د کابل ښار ۱۵مې ناحیې اړوند د خواجه رواش او شیخ زاهد ښارګوټو له ساحو تخنیکي نظارت ترسره شو
۱۴۴۷/۱۲/۰۸
د ښاري تخلفاتود مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د مخنیوي ریاست تخنیکي ټیمونو، د دوامدارو نظارتي پروګرامونو په لړ کې، د کابل ښار ۱۵مې ناحیې اړوند د خواجه رواش او شیخ زاهد ښارګوټو څخه تخنیکي نظارت ترسره کړ.
یاد نظارت د ښارګوټو د اوسېدونکو د عرایضو پر بنسټ ترسره شو، چې په ترڅ کې یې د شنو ساحو، سړکونو او پلې لارو په مسیر کې د هټیو جوړولو او همداراز د عامه ګټې ساحو د کارونې د بدلون موارد له نږدې وڅارل شول.
د نظارت پر مهال هغه ساحې چې په کې ښاري تخلفات ترسره شوي وو، مهر او لاک شوې او اړوندو متخلفینو ته سپارښتنه وشوه چې خپلې ټولې چارې د منظور شوو تفصیلي پلانونو، ښاري اصولو او نافذه قوانینو مطابق تنظیم کړي.
د کابل ښار په بېلابېلو ښارګوټو کې به د نظارت او ارزونې لړۍ د ټاکل شوي پلان له مخې په دوامداره ډول روانه وي، څو د ښاري پلانونو دقیق تطبیق، د غیرمعیاري تراکم مخنیوی، د ساختماني کیفیت لوړوالی او د ښاري مدیریت پیاوړتیا یقیني شي.
