د کابل ښار له ماسټر پلان د تطبیق چارو څارنه تر سره شوه
۱۴۴۷/۰۱/۱۹
د کور او ښار جوړولو وزارت د ښاري سرغړونو د مخنیوي ریاست محترم رئیس مولوي عبدالمنان حقاني وایي، د دې ریاست اړوند تخنیکي ټیم د کابل ښار د ماسټر پلان د تطبیق څخه څارنه وکړه.
ښاغلي حقاني وویل، دغه نظارت د ساساکي پلان پر اساس، چې د ښار ډیزاین چوکاټ بلل کېږي، د اولې ناحیې په مربوطاتو کې تر سره شو.
د نوموړي په خبره، تخنیکي ټیم دا ځل د عیدګاه مسجد شریف او د میوند جادې شاوخوا هغه ساحې وڅارلې چې د "مختلط متوسط منزل کارونې" په کټه ګورۍ کې راځي.
د ښاغلي مولوي حقاني په وینا، چې دا ډول څارنې به دوامداره وي، څو د ښار ښکلا، نظم، او قانوني پراختیا وساتل شي.
