د کابل هوایي ډګر شمال لویدیځ لوري ته د سوداګریزو او رهایشي بلاکونو طرحه او ډیزاین بشپړ شو
۱۴۴۳/۰۸/۲۶
د ښار جوړولو او ځمکو وزارت د بلاکونو او ودانیو د طرحو او ډیزاین چارو په دوام له تحول وروسته د کابل هوایي ډګر شمال لویدیځ لوري ته د سوداګریزو او رهایشي بلاکونو طرحه او ډیزاین بشپړ کړ.
د دغه بلاکونو طرحه او ډیزاین کې د مسکن معیارونه په پام کې نیول شوي او دغه راز د یادو بلاکونو طرحه د مرکزي باربري ریاست تصدۍ د تفصیلي پلان مطابق جوړه شوې ده.
د ښار جوړولو او ځمکو وزارت د مسکن تخنیکي ریاست په دغه دوه بلاکونو کې ۶۴ اپارتمانونه طرحه کړي چې هر اپارتمان ۹پوړیز دی .
دغه راز هر اپارتمان درې او څلور خونې لري چې له ۶۰ متر مربع څخه تر ۱۵۰ متر مربع پورې مساحت کې ډیزاین شوي دي.
