د ښار جوړولو او ځمکو وزارت ښاغلي سرپرست مولوي حمد الله نعماني د ارزګان ولایت له یو شمېر مشرانو سره وکتل
24/12/1400هـ، ش
د ښار جوړولو او ځمکو وزارت ښاغلي سرپرست مولوي حمد الله نعماني په خپل کاري دفتر کې د ارزګان ولایت څخه راغلو مشرانو سره وکتل او د ځمکو استملاک او ځینو نورو برخو کې د شته ستونزو په حل یې خبرې وکړې.
لومړی د ارزګان ولایت راغلو ځینو مشرانو د ځمکو استملاک برخه کې د خپلو ستونزو او غوښتنو په اړه بشپړ معلومات وړاندې کړل او له ښاغلي وزیر صاحب یې غوښتنه وکړه چې د حل برخه کې یې کوټلي ګامونه پورته کړي.
د ښار جوړولو او ځمکو وزارت ښاغلي سرپرست مولوي حمد الله نعماني یادو مشرانو ته په خطاب کې وویل، چې ستونزې برخه کې به یې د ارزګان ولایت د ښار جوړولو او ځمکو ریاست له لوري اقدامات وشي.
دغه راز ښاغلي مولوي نعماني صاحب راغلو مشرانو ته لازمې لارښوونې وکړې چې خپلو ستونزو د حل لپاره له کومو لارو چارو کار واخلي.
