د ښار جوړولو او ځمکو وزارت مالي او اداري مرستیال کندهار ولایت ته په رسمي سفر تللی
۱۴۴۳/۱۰/۱۰
د ښار جوړولو او ځمکو وزارت محترم مالي او اداري مرستیال حافظ محمد امین فاروقي کندهار ولایت ته د خپل رسمي سفر په ترڅ کې په دغه ولایت کې د ښار جوړولو او ځمکو ریاست څخه هم لېدنه وکړه.
په دغه لېدنه کې ښاغلي حافظ محمد امین فاروقي د یاد ریاست کار کوونکو ته لازمې لارښوونې وکړې او د ځینو موضوعاتو په اړه یې بشپړ معلومات ورکړل.
د کندهار د ښار جوړولو او ځمکو ریاست مسؤلینو په یاد ریاست کې د شته ستونزو په اړه هم خبرې وکړې او له محترم فاروقي څخه یې د شته ستونزو د حل برخه کې د همکارۍ غوښتنه وکړه چې نوموړي یې د حل برخه کې ډاډ ورکړ.
ښاغلي حافظ محمد امین فاروقي زیاته کړه چې سږ کال یې لومړیتوب د نیمه کاره پروژو بشپړول دي او هڅې کوي چې چارې یې پر وخت ترسره شي.
ښاغلي مرستیال د کندهار ریاست مسؤلینو ته سپارښتنه وکړه چې د خلکو چارې دې له ځنډ پرته پر وخت اجراء کوي او له اړتیا پرته دې غیر حاضري نه کوي.
هغه زیاته کړه چې ټول کارکوونکي دې ځانونه په اسلامي چوکاټ برابر او خپلې چارې دې د اسلامي او ملي ارزښتونو سره سم پر مخ بیایي.
