د تورغونډۍ بندر د احاطوي دیوال له جوړولو څخه څارنه ترسره شوه
۱۴۴۷/۱۱/۹
د هرات ولایت د رباط سنګي ولسوالۍ د تورغونډۍ بندر د احاطوي دیوال د جوړولو له روانو چارو څخه څارنه ترسره شوه.
یاده څارنه د یو ګډ هیئت له لوري ترسره شوه، چې پکې د ولایت د محترم مقام استازی (د رباط سنګي ولسوالۍ مرستیال)، د کور او ښار جوړولو ریاست استازی او د استراس ریاست استازي شامل وو.
هیئت د پروژې له روانو چارو لیدنه وکړه، چې په ترڅ کې د دیوال د ډبرو کار او د کانکریټو د کیورینګ چارې جریان درلود.
د څارنې پر مهال قراردادي شرکت ته لازمې لارښوونې ورکړل شوې، څو پاتې چارې د منظور شوو نقشو او تخنیکي معیارونو سره سم په لوړ کیفیت سره بشپړې کړي.
د تورغونډۍ بندر د احاطوي دیوال پروژه د سیمې د امنیتي، تخنیکي او اداري اړتیاوو د پیاوړتیا په موخه پلې کېږي، چې د اړوندو ادارو تر څارنې لاندې یې چارې په منظم ډول پر مخ روانې دي.
