د ښاري نقشو د ویزه کولو په تړاو ناسته وشوه
۱۴۴۶/۳/۱۵
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د ښاري نقشو د ویزه کولو کمیسیون خپله ۴۶ ناسته وکړه.
په دې ناسته کې د ښاغلي بامیاني تر څنګ د نورو اړوندو ریاستونو استازو ګډون کړي و، چې په بیلابیلو ولایتون کې یې د تیلو د پمپ سټیشنونو، هستوګنیزو نمرو او سوداګریزو مارکیټونو په اړه هر اړخیز بحث وکړاو ټول اسنادونه مکمل و څیړل شول.
د یاد کمیسیون لخوا هغو پمپ سټیشنونو، هستوکنیزو نمرو او سوداګریزو مارکیټونو ته د جوړیدو اجازه ور کړل شوه، چې اسناد یې بشپړ ول او د ټولو اړوندو ادارو لخوا یې اسناد تائید شوي ول او پاتې نورو ته چې اسناد یې نیمګړي ول هدایت وشو تر څو خپل اسناد بشپړ کړي او بله ناسته کې به یې په تړاو پریکړه کیږي.
په ورته وخت کې، ټینګار وشو چې د تېلو د پمپ سټېشنونو مالکان دې د فعالیت په موده کې نافذه قوانین او مقررې په پام کې ونیسي، تر څو په راتلونکي کې له ستونزو سره مخامخ نه شي
