د پکتیکا په بېلا بېلو سیمو کې د تېلو د پمپ سټېشنونو جوړولو په موخه سروې وشوه
۱۴۴۶/۸/۱۷
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د دې ریاست د تخنیکي ټيم لخوا په وازیخوا ولسوالۍ او په شخیل اباد ولسوالۍ کې د تېلو د پمپونو لپاره ساحې کروکي او سکېچونه یې ترتیب شول.
ښاغلي مولوي سیف الجهاد وویل، د وازیخوا ولسوالۍ په مشوړي کلي کې د تېلو د پمپ سټېشن لپاره توپوګرافي سروې وشوه او د توپوګرافي سروې پلان یې ترتیب شو.
همداراز د شخیل اباد ولسوالۍ په جعفر اباد بازار کې د تېلو د یو پمپ سټېشن سکېچ منظور شو او د حق الزحمې د لایحې په اساس د پمپ د ساحې کروکي، سروې او سکیچ ترتیب او چاپ شو.
