د پروان ولایت سرخ پارسا ولسوالۍ د بازار ۵۲ جریبه ځمکه توپوګرافي سروې شوه
۱۴۴۷/۰۳/۰۳
د کور او ښار جوړولو وزارت د سروې او جي ای ایس ریاست محترم رئیس حافظ انجنیر محمد یوسف لطیف وایي، د یاد ریاست تخنیکي ټیم د پروان ولایت په سرخ پارسا ولسوالۍ کې د بازار ساحه چې ۵۲ جریبه ځمکه ده، د توپوګرافي سروې کړه.
ښاغلي انجنیر لطیف وویل، د دې کار موخه د دقیقو معلوماتو راټولول او د تفصیلي پلان د ترتیب لپاره تخنیکي زمینې برابرول دي.
د کور او ښار جوړولو وزارت د سروې او جي ای ایس ریاست د هېواد په بېلا بېلو ولایتونو کې د توپوګرافي سروې له لارې هڅه کوي، چې د ښارونو د علمي او معیاري پلانونو لپاره دقیق معلومات برابر کړي.
