د پروان ولایت د شینوارو ولسوالۍ سیلاب ځپلو ته د کورونو د جوړولو لپاره د ځمکې پر انتقال خبرې وشوې
۱۴۴۶/۳/۲۲
د کور او ښار جوړولو وزارت د مسکن، ودانیزو چارو او د برنامو د پراختیا د محترم مرستیال الحاج مولوي محمد اساعیل فائز په مشرۍ په غونډه کې د پروان ولایت د شینوارو ولسوالۍ تیکمرقاشقال سیمې د سیلاب ځپلو لپاره د کورونو د جوړیدو په موخه د ځمکې پر انتقال خبرې وشوې.
د غونډې په پیل کې د طبیعي پیښو پر وړاندې د مبارزې محترم عالي ادارې، د کرنې، اوبو او مالدارۍ محترم وزارت، د عدلیې محترم وزارت او د کور او ښار جوړولو محترم وزارت استازو د سیلاب ځپلو لپاره د کورونو د جوړیدو په موخه د ځمکې پر انتقال هر اړخیز بحث وکړ او نظرونه یې شریک کړل.
ور پسې د کور او ښار جوړولو وزارت د مسکن، ودانیزوچارو او د برنامو د پراختیا محترم مرستیال الحاج مولوي محمد اسماعیل فائز د یادو وزارتونو او د طبیعي پیښو پر وړاندې د مبارزې عالي اداري استازو ته دنده و سپارله، تر څو د یادې ساحې تخنیکي، مالي، حقوقي او ټولنیز اړخونه وڅیړي او خپل معلومات دې په رتلونکې غونډې کې شریک کړي تر څو په بله ناسته کې د ځمکې د انتقال په اړه لازم تصمیم ونیول شي.
