د هېواد په کچه د ولسوالیو د جغرافيايي سرحدونو د ټاکلو او د نقشو د یووالي لپاره ناسته وشوه
۱۴۴۶/۴/۷
د کور او ښار جوړولو وزارت د مسکن، ودانيزو چارو او د برنامو د پراختیا محترم مرستیال الحاج محمد اسماعیل فائز په مشرۍ د ولسوالیو د جغرافيايي سرحدونو د ټاکلو او د نقشو د یووالي په موخه ناسته وشوه.
په دغه ناسته کې، د کورنیو چارو محترم وزارت، د کرنې، اوبولګولو او مالدارۍ محترم وزارت، د بهرنیو چارو محترم وزارت، د احصایې او معلوماتو محترم ملي ادارې، د قومونو، قبایلو او سرحدونو محترم وزارت، د کلیو بیا رغونې او پراختیا محترم وزارت، د ښاروالۍ د چارو د انسجام محترم ریاست او د استخباراتو محترم عمومي ریاست استازو برخه اخیستې وه.
د کور او ښار جوړولو وزارت په مشرۍ د کمیټې غړو د هېواد په کچه ولسوالیو د جغرافیایي حدودو د ټاکلو او د هغو د نقشې د یووالي په اړه خپل نظرونه او دلایل وړاندې کړل.
په پایله کې، د کور او ښار جوړولو وزارت محترم مرستیال الحاج محمد اسماعیل فائز د کمیټې د غړو د نظرونو له اورېدو وروسته د کورنیو چارو محترم وزارت، د کرنې، اوبو لګولو او مالدارۍ محترم وزارت، د احصایې او معلوماتو محترم ملي ادارې، د قومونو، قبایلو او د سرحدونو محترم وزارت استازو ته لارښوونه وکړه، چې د کمیټې د نورو غړو په همکارۍ د یادې چارې ترسره کولو په موخه یوه هر اړخیزه کړنلاره ترتیب تر څو ددې کمیټې وروستۍ پریکړه د ا.ا.ا د محترمې کابینې له عالي مقام سره شریک کړي.
