د هلمند پوهنتون انجنیرۍ پوهنځي زده کوونکو ته عملي زده کړې ور کړل شوې
۱۴۴۶/۸/۲۳
د هلمند ولایت د کور او ښار جوړولو ریاست محترم رئیس الحاج مولوی شمس الله ناظم وایي، د دې ریاست د علمي او مسلکي انجنیرانو لخوا د هلمند پوهنتون د سیول انجنیرۍ پوهنځي زده کوونکو ته عملې زده کړې ور کړل شوې.
ښاغلی مولوي ناظم وایي، د یاد پوهنځي زده کوونکو ته د سروې، ډیزاین، براورد او په مهندسۍ برخه کې اړینې تفصیلي زده کړې ور کړل شوې.
د یادولو ده، چې د کوراوښارجوړولو وزارت په مرکز او ولایتونو کې د پوهنتونونو محصلینو ته د عملي زده کړو زمینه برابروي او هڅه کوي، چې ټولنې ته علمي او مسلکي کادرونه وړاندې کړي.
