د میمنې ښاروالۍ د الحاقیې ودانۍ د ودانیزو چارو تخنیکي څارنه ترسره شوه
۱۴۴۷/۱۲/۰۴
د فاریاب ولایت د کور او ښار جوړولو ریاست اړوند تخنیکي ټیم د میمنې ښاروالۍ د الحاقیې ودانۍ د ودانیزې پروژې له روانو چارو څخه تخنیکي نظارت ترسره کړ.
د څارنې پر مهال د پروژې د ودانیزو چارو بېلابېلې برخې وارزول شوې، چې له مخې یې د ودانۍ د باندنۍ پلسترکارۍ چارې او د کړکیو د چوکاټونو یوه برخه د نقشې او ټاکل شوو کاري حجمونو مطابق بشپړه شوې ده.
د معلوماتو له مخې، د یادې پروژې تر شپېتو سلنې زیاتې ودانیزې چارې بشپړې شوې او پاتې کارونه هم په چټکۍ سره روان دي.
همدارنګه مسؤلینو قراردادي شرکت ته لازمې تخنیکي سپارښتنې وکړې، څو د پروژې په هر پړاو کې نظارتي انجنیران له روانو چارو خبر وساتي او ټولې چارې د منظور شوې نقشې او انجنیري معیارونو مطابق ترسره شي.
د یادونې وړ ده، چې د دغو تخنیکي څارنو موخه د پروژو د کیفیت تضمین، د معیاري ودانیزو چارو پلي کول او د عامه تاسیساتو د ودانیزو پروژو دقیق تطبیق بلل کېږي.
