د مسکن د پراختیا ریاست د کاري پلانونو د تطبیق په اړه غونډه ترسره شوه
۱۴۴۷/۰۲/۱۵
د مسکن، ودانیزو چارو او د برنامو د پراختیا د محترم معین مولوي ګل زرین صابر په مشرۍ د د مسکن د پراختیا ریاست د کاري پلانونو د تطبیق او ارزونې په موخه ځانګړې غونډه تر سره شوه.
دغه غونډه چې د یاد ریاست د رئیس، آمرینو او کارکوونکو په ګډون ترسره شوه، په پیل کې د مسکن، ساختماني چارو او برنامو د پراختیا محترم معین مولوي ګل زرین صابر د مسکن د پراختیا ریاست د کاري پلانونو د تطبیق پر بهیر خبرې وکړې او د همغږۍ او ټیمي کار پر اهمیت یې ټینګار وکړ.
محترم معین زیاته کړه چې باید د کارکوونکو له خلاقیتونو، ابتکاراتو او مسلکي ظرفیتونو څخه ګټه واخیستل شي او له هڅو یې ملاتړ وشي.
ورپسې، د مسکن دپراختیا ریاست د وارسی مدیر انجینر محمد حریف سروري د یاد ریاست د آمرینو او کارکوونکو په ملتیا، د ریاست موخې، لاسته راوړنې او راتلونکي پلانونه تشریح کړل او د کاري پلان په اړه یې هر اړخیز معلومات وړاندې کړل.
ښاغلي سروري وویل چې دا ریاست هڅه کوي د هېوادوالو لپاره د استطاعت وړ مسکن طرحه، پلان او ډیزاین کړي.
د غونډې په پای کې، د مسکن د پراختیا ریاست یو شمېر کارکوونکو خپلې ستونزې او غوښتنې له محترم معین سره شریکې کړې.
