د مسکن، ودانیزو چارو او د برنامو پراختیا مرستیال د پروژو پر چټکتیا ټینګار وکړ
۱۴۴۶/۱۰/۱۶
د کور او ښار جوړولو وزارت د مسکن، ودانیزو چارو او د برنامو د پراختیا محترم مرستیال الحاج محمد اسماعیل فائز په خپل کارې دفتر کې د افغانستان د اتمي انرژۍ ادارې، د کاپیسا ولایت د اداري تعمیرونو د پروژو او د کابل روزنتون له مسؤلینو سره وکتل.
په دغه کتنه کې، د تدارکاتو محترم رئیس مولوي فیض الله فیضان او د تخنیکي بیخ بناؤ د ډیزاین محترم رئیس فواد صافي هم شتون درلود.
د یادو پروژو مسؤلینو، د کارونو د پرمختګ او په پروژو کې د شته ستونزو په تړاو هر اړخیزې خبرې وکړې او د همکارۍ غوښتنه یې وکړه.
د مسکن، ودانیزو چارو او د برنامو د پراختیا محترم مرستیال الحاج محمد اسماعیل فائز د پروژو د مسؤلینو د خبرو له اورېدو وروسته په یادو پروژو کې د چارو پر چټکتیا ټینګار وکړ او د ستونزو د حل په موخه یې لازمې سپارښتنې وکړې.
د کور او ښار جوړولو وزارت هڅې کوي، چې په پروژو کې شته ستونزې له منځته یوسي او چارې په بشپړ شفافیت سره سرته ورسېږي.
